| 27號一早, 就飛左過台灣. 其實, 係台灣同係香港都係差唔多, 都係咁hea. 去旅行會好d既, 逼自己唔好留係酒店, 去睇多d, 食多d, 玩多d. 認真, 食多d, 肥d, 真係唔係咁健康. 不過睇多d野, 尤其係去書局睇書, 係好既. 今日睇左<庸才猛抄筆記, 人才勤寫心得>. 我真係愈黎愈唔似人才. 以前, 真係會唔寫心得, 都會寫xanga. lol. 佢提到既, 當然唔止多寫心得咁少野啦, 有好多點都好中. 係呢到, 希望同大家分享佢既一個都好岩既說話: ""決定去做一件事既動機, 大至可以係一, 正向(愛情)動機, 又或者二, 消極(不安)動機. 正向動機, 就係指, 你希望做好一件事, 所以決定去做一件事, 比如, 巴塞喜歡足球, 所以繼續踢足球, 化學博士生對某元素有興趣, 所以去做研究寫論文. 而消極動機, 就係指, 你因為怕另一件事發生, 所以逼自己決定去做一件事, 比如皇馬怕失去班霸之名, 所以繼續踢足球, 化學博士生為求得到博士資格而寫論文. 動機, 有一定程度, 決定結果. 正向動機, 會得到正向結果, 對其他方面亦有較多得著; 消極動機, 則相反, 容易失敗, 得到的, 可能比失去的更多."" 其實, 唔只係寫比大家. 主要, 係寫比我自己. 如作者說, 人需要反省, 背頌書本的內容, 倒不如把書本變成問題, 自問自答, 寫成心得. 作者亦說過, 光說明白而不去做, 等於不明白有關道理/智識. 重點是: 不要想"能不能做得", 而是思考"要不要做". (至少, 這是我看完後, 認為這兩句是可結合的). 點解我覺得呢段好岩, 係因為, 係台灣, 睇到無限既補習社, 心諗, 我從細到大都冇補習過習, 咪一樣可以入倒大學?! 話我倒自己米都係咁講, 好心d冇心讀書既人, 就咪補習啦. 驚自己入唔倒大學既人, 都仲好d, d驚自己下一個考試合唔倒格而黎補習既, 死開啦. 我肯定一個有心求學既人, 一定考得好過呢d"求合格"既人. 話說, 我既教法, 比較岩d想學野既學生. 好既學生, 我可以令佢增值得更快, 我知道邊d野可以飛; 但係差生, 個底唔好, 教乜都死, 我會教到好慢好慢... 慢到要佢表現到佢有基本既感覺先繼續. 話說, 我自己都做過呢種學生: 我細個去學琴既時候. 好彩, 我都唔係完全唔鐘意音樂. 鐘意既歌, 有心去練好佢既, 都ok既, 不過, 唔鐘鐘既, 就真係可以拖好耐好耐... 兩三個禮拜之前, 有晚, hea睇youtube, 睇到台灣有個"小周董", 叫游松澤, 六歲無師自通彈鋼琴彈到可以矇眼彈. 真係冇得唔信, 個細路真係好鐘意好鐘意彈琴, 因為消極動機都幾冇可能可以逼出咁既一個神童. 唉, 又諗番我既大學學習. 我有幾多次, 唔係要讀書先讀書架?! 仲要讀唔足. 正式係自作業. 我為乜要讀會計呢? 認真, 唔係諗可唔可能, 要諗既係要唔要. 其實, 一直話自己冇動力冇動力冇目標冇目標, 都唔係冇既, 我想同我鐘意既人過d一有質素既生活. 呢樣野, 真係虛無過虛過. "鐘意既人"? "有質素"? "生活"?... 其中一個option, 就係先富起來, 之中, 其中一個方法, 就係做一個會計師/分析師. 如果, 你問我, 我得想像自己成為會計師嗎? "不能". 亦之所以, 我未成功. 現在, 不是想自己能不能做到的時候, 而是想自己要不要做到的時候. ""沒頭沒腦地對自己喊加油並無法消除內心的不安. 應該在行動之前排除疑慮, 下定決心告訴自己"夢想一定會實現."" 現在下定決心, 不遲吧. 我不要再"三分鐘熱度"了. |
